• Share this page to Facebook
  • Share this page to Twitter
  • Share this page to Google+
Ka nui ake te tūpono ka whakauru ngā mātua e kōrero ana i te reo Māori i ā rātou tamariki ki te mātauranga kaupapa Māori – hunga pāpāho

View this page in English

Ko te tikanga ka whakauru tata ki te haurua o ngā mātua Māori katoa e kōrero ana i te reo i te kāinga i tā rātou tamaiti ki te mātauranga kaupapa Māori, e ai ki a Tatauranga Aotearoa i te rā nei.

"He mea nui tēnei, ā, ka whakaatu i te hira o te reo me te ahurea Māori mō te kawekawe i te whakatau a te matua mō ngā ara mātauranga kia whāia," te kī a te kaihautū o Tatauranga Aotearoa, a Rhonda Paku.

E hāpai ana ngā kitenga o te pūrongo hou i te hira o ngā āhuatanga ahurea o ngā mātua – arā, te kōrero i te reo Māori, me te tūhono ki te ahurea Māori, me te uara i taua ahurea – ki tā rātou whakatau me tuku ā rātou tamariki ki hea kuraina ai.

Ka nui te tūpono ka whakauru ngā mātua i ā rātou tamariki ki te mātauranga kaupapa Māori i ngā raraunga mai i Te Kupenga 2013 ki te tūhurahura i ngā āhuatanga o ngā mātua Māori e tuku ana i ā rātou tamariki ki te mātauranga kaupapa Māori.

"Ko te tūmanako nei, mā te tukunga o tēnei pūrongo e whakatenatena te hunga kairangahau ki te āta ruku ki roto i ōna kitenga, me te huinga raraunga o Te Kupenga," hei tā Paku.

Ko Te Kupenga 2013 te rangahau tuatahi nā Tatauranga Aotearoa mō te oranga o te Māori. Ka whakahaeretia anō te rangahau ā te 2018, ka tīmata te kohikohi raraunga i waengapū o taua tau.

Ka mutu

Mō ngā pātai a te hunga pāpāho, tae ki ngā uiuinga reo Māori, reo Ingarihi rānei, whakapā ki: James Weir 021 285 9191, info@stats.govt.nz.

Nā Liz MacPherson i whakamana, Te Manatatau Kāwanatanga, i whakaputaina i te 14 Mahuru 2017

  • Share this page to Facebook
  • Share this page to Twitter
  • Share this page to Google+
Top
  • Share this page to Facebook
  • Share this page to Twitter
  • Share this page to Google+