|  | | |
Te ahua o nga Iwi o te motu
|
1. Mahi Tuatahi
Ko te mahi a te Tari Tatau he whakaemi kaute mō ngā āhuatanga katoa e pā ana ki te tangata. Ka tū ēnei rā tatau i ia rima tau. Mai i ēnei kohikohinga ka kite tātou e pēhea ana te haere o ngā mahi, e pēhea ana te nui haere, te itiiti rānei o te hapori tangata e noho ana ki Aotearoa. Ka kite hoki tātou ngā iwi Māori motuhake, e pēhea ana tātou i roto i te wā, ā, e ahu pēhea ana tātou i roto i tēnei ao hurihuri.
Kei ō koutou kaiako te rauemi tatau Te Kete Tatauranga 2001. I puta te rauemi pukapuka nei ki ngā kura i te tau 2001. Tirohia te whārangi 22 - e kōrero ana mō te āhua o ngā kaute-ā-iwi i kohia i te tau 1996. Ko ngā kōrero e pā ana ki Te Āhua o te Iwi Māori kei te ipurangi www.info.stats.govt.co.nz ka whai atu i ngā pātai hei mahi.
|
Nō Te Mātāpuna: Ripanga Iwi
2. Hei Mahi
- I te Tatauranga 1996 ko wai ngā iwi Māori tokomaha rawa? Whakarārangihia, mai i te iwi tokomaha, heke iho.
- Mai i ngā kōrero o ngā kaute i puta i te Tatauranga 2001, ko wai ngā iwi Māori tokomaha? Nā, tirohia ko wai mā ngā iwi kei runga tonu i te rārangi ingoa iwi tokomaha i 2001?
- Tēnā hangaia te kauwhata e whakaatu ana he pēhea te maha atu o ngā iwi nei, arā mai i ngā tau 1996 ki te tau 2001.
- Tikina he mahere o Aotearoa tēnā whakaatuhia mai ngā kaute mō ia iwi, kei runga i te rārangi iwi tokomaha.(Mahia te mahere kei raro iho).
- Kei raro i ngā kaute tangata, tuhia ngā tatau mō ētahi atu āhuatanga e pā ana ki ngā iwi nei. Arā, te tauira kei tēhea koeketanga te nuinga o tēnā iwi? Ko wai ngā iwi e whai ana i ngā hāhi Māori? (Mahia ngā Ripanga Iwi).
- Ko te mahi whakamutunga, he titiro ki ngā kaute tāngata me te whakaaro ka pēhea te tokomaha o te tangata o tēnā iwi o tēnā iwi, i te tau 2020? Tēnā tirohia tētahi o ngā iwi kei te rārangi iwi tokomaha. Kātahi ka whiriwhiri pēhea te nui ake o tērā iwi mai i te tau 1996 ki te tau 2001. Mehemea ka ōrite te rahi ake o tēnā iwi i ia rima tau, ka matapaki ka pēhea te tokomaha o tō rātou iwi ā te tau 2020?
- Tēnā whakaatuhia ā-pikitia mai te āhua o tēnā iwi i te tau 2020, tae noa atu ki te āhua o ngā motokā, wharenui, marae rānei.
Kei Mātāpuna: p22 Te Kete Tatauranga tēnei mahere
Ki te hiahia koe ki ētahi atu kōrero e pā ana ki ngā kaute kua kohia e te Tari Tatau mō ngā iwi o Aotearoa, tirohia te ipurangi Ripanga Iwi.
He Hononga Hei Āwhina
Te ahua o nga Iwi o te motu ta nga kaiako
Ripanga Iwi
|
|
|
|
|
|
|
|