Kei te tukuna atu Te Ahua o Aotearoa i te reo Maori
View this page in English
Ko tā Tatauranga Aotearoa whakaputanga reo Māori o New Zealand in Profile: 2012 ko tētahi hīpae nui i te homaitanga o ngā mōhiohio ka hiahiatia e Aotearoa.
Ko Te Āhua o Aotearoa: 2012 ko te whakamāoritanga o te putanga reo Ingarihi o New Zealand in Profile i whakaputa i Kohitātea/Hānuere 2012. Kei roto ko ngā kōrero me ngā tauanga kua tīpako hei homai tirohanga whānui o ngā tāngata o Aotearoa, o tōna ōhanga, o tōna taiao hoki.
"Ko Arohatia te Reo tō tēnei tau tāhuhu mō te Wiki o te Reo Māori, ā, i pīrangi tonu mātou kia tohu i tērā mā te whakaputanga o tēnei pukapuka rangatira ki te reo Māori," i kī a Karen Coutts, Kaiwhakamaherehere Matua Take Māori i Tatauranga Aotearoa.
"He kōrero hōhonu kei roto o Te Āhua o Aotearoa: 2012. Hei tauira, ka kite tātou ko Ahitereiria tō tātou hoa tauhokohoko tino nui mō te tau ki Pipiri/Hūne 2011 me ngā hoko ki tāwāhi o $10.3 piriona me ngā hoko ki uta o $7.4 piriona. Ka kite hoki i taua wā anō, i piki ki te $11.3 piriona tō tātou rōpū rawa hoko ki tāwāhi nui rawa, arā, te paura miraka, te pata, te tīhi, tata rearua o tō 2006 whika.
"He mea nui kia uru a Ngāi Māori, pērā i a Aotearoa whānui, ki ngā mōhiohio tino pai rawa kia hanga whakatau. Ko tētahi ara e taea ai tēnei ko te whakarato pukapuka kua tuhi hāngai pū mō te hunga kōrero i te reo Māori."
I whakakitea mai te Tatauranga 2006 ko 131,613 (23.7 ōrau) ngā Māori i āhei ki te kōrerorero ki te reo Māori mō ngā take o ia rā, arā, he pikinga tāngata 1,128 ake o te Tatauranga 2001.
Ka whakahōungia ngā kōrero e pā ana ki a Ngāi Māori ina wātea mai ngā raraunga o te tatauranga o te tau tū mai. Hei muri o te tatauranga, ka whakakaha te rangahau Te Kupenga 2013 (i mōhiotia i mua ko te Māori Social Survey) i te mōhiohio ki a Ngāi Māori mā te ine i ngā āhuatanga matua o te hauora taha ohaoha, taha pāpori.
Ka aroturuki a Tatauranga Aotearoa i te ngākaunui ki Te Āhua o Aotearoa: 2012 kia mōhio mēnā kia whakaarohia te whakamāoritanga āmua o te pukapuka ā-tau New Zealand in Profile ki te reo Māori.
I whakaputa hoki e Tatauranga Aotearoa i tērā marama Te Ao Mārama 2012, he pukapuka hōu mō Ngāi Māori tonu, e homai mōhiohio ana mō te hauora me te whanaketanga Māori. Huitahi ki Te Āhua o Aotearoa: 2012, ka homai tirohanga whānui ēnei pukapuka ki ngā tauanga matua o te motu, otiia he mātau ki te hauora me te whanaketanga o te tangata whenua.
Ka wātea tahi ēnei pukapuka i:
Ka taea ngā tārua te tono mā te waea ki 0508 525 525, te īmēra rānei ki info@stats.govt.nz.
|
Geoff Bascand
Kaitatau Kāwanatanga
|
26 Hōngongoi 2012 |
| KA MUTU |
Mō ngā pātai a te hunga pāpāho, tae ki ngā uiuinga reo Māori, reo Ingarihi rānei, whakapā ki:
Vikki Carter, Kaiwhakamaherehere Matua Pāpāho
Te Whanganui-a-Tara 04 931 4452 or 021 285 9191
Colin Marshall, Kaiwhakamaherehere Matua Pāpāho
Te Whanganui-a-Tara 04 931 4630
Īmēra: communication@stats.govt.nz